Rekordet Botërore të Guinness prezantuan Bobin, qenin më të vjetër në botë ndonjëherë.
Bobi është 30 vjeç e 266 ditë.
Guinness bëri të ditur se qeni portugez mori rekordin nga një qen 23-vjeçar i quajtur Spike, i cili u emërua qeni më i vjetër i gjallë në botë në janar.
Bobi ka thyer rekordin gati shekullor për qenin më të vjetër ndonjëherë. Kjo u vendos nga Bluey, një qen bagëtish australian që jetoi 29 vjet e 5 muaj midis 1910 dhe 1939.
“Bobi është 30 vjeç 266 ditë më 1 shkurt 2023. Ai ka jetuar gjithë jetën e tij me familjen Costa në fshatin rural Conqueiros, në Leiria, Portugali”, thuhet në deklaratën e Guinness.
“Bobi është një race e pastër Rafeiro do Alentejo, e cila është një racë e qenve mbrojtës të bagëtive me një jetëgjatësi mesatare prej 12-14 vjetësh”.
Mosha e Bobit është konfirmuar me një regjistrim të vitit 1992 në Shërbimin Mjekësor Veterinar të Bashkisë Leiria.
Sipas Guinness, mosha e Bobit u konfirmua edhe nga databaza portugeze e kafshëve shtëpiake SIAC.
