Analisti Shkëlzen Gashi është shprehur sonte se nëse kryeministri Albin Kurti fut në dokumentin final, kompetenca për serbët që janë të njëjta me marrëveshjet e vitit 2013, respektivisht të vitit 2015, atëherë ai do të vihet në lëvizje.
Gashi tha se nëse kjo ndodh, atëherë do ta gjuajë shefin e qeverisë me gaz lotsjellës në shtëpinë e tij që gjendet në lagjen Taslixhe të Prishtinës.
“Na këtu jemi të gjithë që dijmë me lexu e me shkru. Nëse del që Kurti fut në dokumentin final, kompetenca për serbët që janë të njëjta me marrëveshjen e vitit 2013 dhe 2015, atëherë unë do të bëj diçka. Unë nuk do të mjaftohem me kritika në studio e as në shkrime. As me protesta besa”, tha ai në T7.
“Por do të bëjë atë që e ka thënë ai vet. Nëse e formoj Asociacionin ka thënë mund të gjuani gaz në qeveri. Por jo, unë do të shkojë edhe në shtëpinë e tij në Taslixhe që të gjuaj gaz”.
