Fëmijët kokëfortë mund të jenë një makth. Ndonjëherë, prindërit e kanë të vështirë ta kuptojnë pse ata i kundërshtojnë. Gjithsesi, ne do t’ju gëzojmë me një lajm të mirë sot-që tregon se fëmijët kokëfortë dhe rebelë kanë një anë pozitive. Sipas një hulumtimi të kryer nga ResearchGate, fëmijët më kokëfortë dhe rebelë kanë më shumë gjasa të bëhen të suksesshëm kur të rriten. Nëse edhe ju keni në familje një fëmijë më rebel se të tjerët, me siguri do t’ju interesojë ky studim:

Çfarë thotë shkenca për fëmijët rebelë?
Kur fëmijët fillojnë të studiojnë, ne besojmë se ata duhet të përmbushin disa pritshmëri; si për shembull të marrin nota të mira, të kenë sjellje të shkëlqyeshme, të jenë të bindur, të respektueshëm dhe të qetë, në mënyrë që të kenë një të ardhme premtuese. Ky studim, i cili ka përpiluar informacione që nga viti 1968, fillimisht është bazuar në një analizë të sjelljes së rreth 3,000 fëmijëve të moshave 8 deri në 12 vjeç dhe përfshin informata, masa edukimi, aspirata, statusi socio-ekonomik, sfondi familjar dhe një pyetësor rreth shkollës, aktivitetet e përditshme, ndjenjat, mendimet dhe zakonet e nxënësve.

Pas më shumë se 40 vite hulumtime, studimi tregoi se fëmijët të cilët zakonisht sfiduan autoritetin kishin një tendencë për të vënë në dyshim gjërat që ndodhën rreth tyre dhe për të menduar përtej kufijve që u krijuan për ta. Kjo u jep atyre një avantazh kreativ kur vjen puna te idetë e reja ose nisja e një biznesi. Ata që konsideroheshin rebelë, të pabindur, agresivë dhe kokëfortë ishin në gjendje të vendoseshin në pozita të rëndësishme brenda vendit të punës, duke fituar më shumë para se ata që kishin nota më të mira dhe ishin më të disiplinuar gjatë fëmijërisë së tyre.

Pra, nëse fëmija juaj është rebel dhe kokëfortë, gëzohuni paksa, pasi në të ardhmen mund të bëhet i suksesshëm.

MUND TË JU PËLQEJNË