Ishte dhe vazhdon të jetë pjesë e muzikës, ani pse një kohë nuk sjelli projekte muzikore për publikun e gjërë.
Bekim Ibrahimi, zëri i mrekullueshëm, sapo është rikthyer fuqishëm me këngën me titull “Jam sheqer Kosove, ti je mjaltë Shqipnie”.
Që nga titulli, kënga duket të jetë unike. Ajo vjen me tekst dhe muzikë nga vetë Bekim Ibrahimi, që tregon se në fëmijërinë e tij i pëlqente buka me sheqer, e vitet e fundit sa herë kthehet nga Shqipëria kthehet me mjaltë të ëmbël bio. Titulli e teksti janë gjetje tejet e këndshme dhe e rrallë, duke i bashkuar në një dy vendet e shqipeve.
Aranzhimi, orkestrimi, studio dhe masterizimi janë realizuar tek Edmond Rrapi. Videoklipi i këngës është punuar nga “Artfabe” dhe rreth këtij projekti janë angazhuar më shumë se 40 persona. Në videoklip kanë marrë pjesë kostumografi, dizenjatori, Asambili Gjilanit, vallëtare orientale, modele, për muzikë është kujdesur musik&electronic “Korabi”, aty ishte edhe Dj Gizi.
Një pjesë e xhirimeve janë realizuar në restaurant “Xixa”. Pra një video gjithë gjallëri e njerëz.
Sponzor i projektit ishte “Swiss Musik Professional” në Zvicër dhe firma për instrumente muzikore “Korabi” në Prishtinë.
Kënga po pëlqehet që nga dita e lansimit. Dëgjojeni këtu Bekim Ibrahimin me “Jam sheqer Kosove, ti je mjaltë Shqipnie”
