2 Gjoks pule

domate të thara

100 gr spinaq

100 gr djath feta

spec i kuq

kripë dhe piper i zi

vaj ulliri

Ju prezantojmë me recetën për role të shijshme të pulës, të përsosura edhe për fillestarët në kuzhinë.

Përgatitja është e thjeshtë, ndërsa mund t’i shërbeni shoqëruar me sallatë ose sipas dëshirës.

Furrën ngroheni në 200 gradë, tiganin me vaj ulliri vëreni në zjarr mesatar.

Filenë e pulës rraheni me cekan për të përfituar copë të holla mishi.

Spinaqin lajeni mirë e kullojeni. Në copat e përgatitura të mishit vendoseni fetën e troshitur, gjethet e spinaqit dhe nga dy copë domate të tharë në diell.

Më pas, thelat e mishit mbështillini në formë roleje. Sipas nevojës kapini më rrëmojsa/klecka dhëmbësh. Kriposini e piperosini dhe hidhjuni pak piper të bluar.

Roletë e përgatitura vendosini në vaj të nxehtë e skuqini për dy minuta në secilën anë. Pastaj vendosini në një tavë më të vogël e piqini edhe për 15 minuta të tjera në furrë.

Shërbejini me sallatë të freskët.

MUND TË JU PËLQEJNË