Gjykata Themelore në Gjilan ia ka caktuar masën e paraburgimit prej një muaji Vali Corleones, për “dhunë në familje”
Sipas njoftimit të Gjykatës, ai ka ushtruar dhunë ndaj bashkë shortes së tij kur ishte nën ndikimin e substancave narkotike.
I njëjti i kishte bërtitur me zë të lartë duke shkaktuar frikë dhe pasiguri tek e dëmtuara.
“i pandehuri gjatë muajit mars, në kohë të papërcaktuar, në shtëpinë e përbashkët familjare, ka ushtruar dhunë psikike, fizike dhe ekonomike ndaj të dëmtuarës – bashkëshortes së tij, A. C., ashtu që nën ndikimin e substancave narkotike, e humb kontrollin dhe të dëmtuarën e godet me shuplakë, gjithashtu vazhdimisht i bërtet me tonë të lartë të zërit, ku tek e dëmtuara shkakton trauma dhe ka cenuar rëndë dinjitetin e të dëmtuarës, duke shkaktuar frikë, ankth, pasiguri dhe shqetësim permanent emocional”, thuhet në njoftim.
Kësisoji Vali Corleone dyshihet se ka kryer vepren dhunë në familje, vepër kjo e sanksionuar me Kodin Penal të Republikës së Kosovës (KPRK).
“Më këtë veprime dyshohet se ka kryer veprën penale “dhunë në familje”, vepër e sanksionuar me Kodin Penal të Republikës së Kosovës (KPRK). Gjyqtari i procedurës paraprake ka vlerësuar se janë plotësuar kushtet për caktimin e masës së paraburgimit ndaj të pandehurit, pasi që i njëjti po të gjendet në liri mund të përsërit veprën penale. Palët kanë të drejtën e ankesës ndaj të këtij vendimi mbi caktimin e paraburgimit në Gjykatën e Apelit”, thuhet në njoftim.
