Malisheva që njëkohësisht është qyteti më i prekur nga koronavirusi, ka arritur numrin e 18 të shëruarve.
Bazuar në të dhënat zyrtare nga institucionet përgjegjëse shëndetësore në vend, numri i të shëruarve nga koronavirusi në Komunën e Malishevës ka arritur në 18 persona, pasi sonte është konfirmuar edhe një person tjetër.
Sonte është shënuar edhe një rast i prekur me COVID-19, me të cilin bilanci i përgjithshëm në Komunën e Malishevës arrin në 70, prej tyre një i vdekur.