Një djalosh 14 vjeçar i shkroi mesazh vajzës që pëlqente duke i thënë “mos më harro” para se të kërcente para trenit.
Sam Connor, 14 vjeç, vrau veten duke kërcyer para trenit ndërkohë që rreth 50 student të tjerë ishin në stacion, shkruan “Metro”.
Me sa duket, ai kishte pasur një pakt me dy miq të tjerë ku ata kishin rënë dakord që të vrasin veten.
Gjykatësi e cilësoi çështjen si të pa zbardhur, pasi që qëllimi pas vetëvrasjes nuk arriti të bëhet i qartë, sepse miku i të ndjerit, i cili kaloi momentet e fundit me të dha deklaratë të pasinqertë.
Atë ditë, familja e Sam kishte pranuar listën e notave të tij, dhe ato ishin të dobëta, duke e bërë djalin shumë të mërzitur.
Ai i kishte shkruar mesazh vajzës që pëlqente duke i thënë “do të shkoj larg për ca kohë, mos më harro”. Pamjet e siguruara nga kamerat CCTV të sigurisë shfaqin momentet e fundit të djalit para se të vriste veten.
Ai shihet teksa afrohet tek vija e verdhë, dhe njëri nga studentët i thotë “mos e bëjë”, që më vonë studenti shpjegoj se ishte një shaka që e bënin sa herë që dikush afrohej vijës së verdhë por nuk mendonte se Sam do të vriste me të vërtetë veten, transmeton lajmi.net.
Sam i kishte lënë çantën dhe gjësendet e veta një studenti duke i thënë që t’i ruante për një minutë. Ai pastaj kërceu para trenit.
Atë ditë ai kishte pyetur një student se nëse treni ecte shpejtë mjaftueshëm për ta vrarë, por ai nuk kishte menduar se Sam do ta bënte sepse ai kishte përmendur vetëvrasjen shpesh por askush nuk mendonte se ai do ta bënte vërtetë.
Shoku i tij, 15 vjeç, i cili kaloi momentet e fundit me Sam tha se ata kishin bërë paktin për të vrarë veten por se ai kishte menduar se ishte vetëm një shaka.
Në pamjet e siguruara nga kamerat e sigurisë, Sam shihet të afrohet tek platforma e trenit me shokun e vet, por ai largohet në moment të fundit dhe vetëm Sam kërcen.
Kur u pyet nga gjykatësi, djali 15 vjeç tha se nuk e kujtonte se çfarë kishin folur para se Sam të kërcente, por më vonë ai tregoi rreth paktit që kishin bërë për vetëvrasje.
Pasi që historia e tij ishte labile dhe e ndryshueshme çdo herë që u pyet, gjykatësi tha se nuk mund të vihej në një përgjigje të saktë se pse Sam vrau veten në mungesë të sinqeritetit te dëshmitarit.
Shumë studentë treguan se Sam kishte folur për vetëvrasjen shumë shpesh, por është e çuditshme se pse askush nuk e morri çështjen më seriozisht.
