141 pacientë me COVID-19 janë duke u trajtuar aktualisht në Qendrën Klinike dhe Universitare të Kosovës. Për gjendjen e tyre ka dhënë detaje Shërbimi Spitalor Klinik dhe Universitar i Kosovës.
Sipas SHSKUK’së, nga 111 pacientët e Klinikës Infektive, 58 raste janë duke u trajtuar në reparte me oksigjenoterapi dhe përkujdesje intensive.
Në repartin e Mjekimit Intensiv të infektives janë duke u trajtuar 6 raste, 2 raste janë në gjendje të rëndë duke u trajtuar me oksigjenoterapi dhe përkujdesje intensive, 4 raste janë në gjendje kritike me frymëmarrje të asistuar me respirator.
Ndryshe, dje nga Klinika Infektive janë lëshuar 5 pacientë, 3 pacientë Covid 19- pozitiv, por me gjendje stabile klinike dhe laboratorike dhe 2 të shëruar.
https://www.facebook.com/shskuk.rksgov.net/posts/2632208280429295
