15 të vdekur pas fundosjes së tragetit në Filipine

Një traget me më shumë se 350 persona në bord u fundos mëngjesin e së hënës pranë një ishulli në Filipinet jugore.

Ekipet e shpëtimit kanë shpëtuar të paktën 316 pasagjerë dhe kanë nxjerrë 15 trupa të pajetë, thanë zyrtarët, raporton NBC News, transmeton Klankosova.tv.

Trageti u mbyt në mot të mirë gati 2 kilometra nga fshati ishullor Baluk-baluk në provincën Basilan, tha Komandanti i rojes bregdetare Romel Dua.