Shumë femra ende gabojnë në blerjen e reçipetave pasi veç masës së kupës nuk dinë përmasat e shpinës dhe kraharorit. Ndoshta nuk e dinit, por gjoksi duhet të matet një herë në vit, pasi shtimi dhe rënia nga pesha reflektohet dhe në këtë pjesë të trupit.
Kur ju vishni reçipetat e duhura, gjoksi rri i ngritur, shtati duket më i gjatë e beli bëhet më i dallueshëm. Dhimbje shpine, shtrëngimi rreth gjoksit dhe vështirësi në frymëmarrje: të gjitha këto janë shenja të reçipetave të papërshtatshme. Por, si ta kuptoni që problemi gjendet realisht tek ato?
Lëkura juaj është e irrituar
Sutienat e ngushta mund të shkaktojnë një mori problemesh të lëkurës, përfshirë folikulitin, dermatitin dhe skuqjen.
Mund të keni refluks
Veshjet e ngushta mund të rrisin presionin intra-abdominal deri në atë pikë sa mund të përjetoni refluks acidi. Ky i fundit është një nga çrregullimet më të zakonshme të aparatit tretës.