Sot, 250 punëtor shëndetësor nga Kosova do marrin rrugën për në Shqipëri.
E arsyeja e këtij rrugëtim është se do të vaksinohen me vaksinat anti-COVID-19.
Nisja e tyre do të bëhet në ora 11:00 nga Qendra Klinike Universitare e Kosovës, e rrugëtimin do ta bëjnë me vetura private por lokacioni nuk dihet ende.
Lajmin për Indeksonline e ka konfirmuar Kryetari i Federatës së Sindikatave të Shëndetësisë së Kosovës, Blerim Syla.
“Një pjesë e mjekëve niset nga QKUK me vetura private në ora 11:00. Unë jam atje por lokacionin nuk e dijë ende”, ka thënë Syla.
Kujtojm se se delegacioni i FSSHK-së i përbërë nga Kryetari Dr. Blerim Syla dhe Dr. Islam Krasniqi në prani të Ambasadorit të Kosovës në Shqipëri Nait Hasani, dje kanë zhvilluar takim me Ministrinë e Shëndetësisë të Republikës së Shqipërisë dhe janë dakorduar për çështjet teknike të vaksinimit të punëtorëve shëndetësor të Kosovës.