4 persona të lënduar në aksidentin Deçan-Pejë

Katër persona kanë pësuar lëndime trupore nga aksidenti që ka ndodhur në magjistralen Deçan Pejë, saktësisht në fshatin Lëbushë.

Në këtë aksident kanë qenë të përfshirë tri vetura.

Lajmin e ka konfirmuar për IndeksOnline, zëdhënësi i Policisë Rajonale në Pejë, Driton Rugova.

“Reth orës 21 Policia e Kosovës është informuar për një aksident trafiku që ka ndodhur në fshatin Lëbushë në komunën e Deçanit.

Në këtë aksident kanë qenë të përfshirë tri vetura dhe si pasojë e tij katër persona kanë pësuar lëndime trupore.

Të njejëtit janë dërguar për trajtim mjekësor në Spitalin Rajonal në Pejë”, ka thënë ai.