Një dhurues serial i spermës është thirrur në gjykatë pasi akuzohet se ka pasur më shumë se 550 fëmijë.
I akuzuari, Jonathan Jacob Meijer, 41 vjeç, nga Haga, do të paraqitet në gjykatë në muajin prill në Holandë, pasi akuzohet se ka mashtruar qindra gra.
Fondacioni Donorkind e solli rastin në gjykatë në një përpjekje për të ndaluar Meijer nga dhurimi i më shumë spermës.
Shoqata Hollandeze e Obstetrikës dhe Gjinekologjisë së pari ngriti alarmin për Meijer në 2017.
Por deri në atë moment, ai kishte bërë gati 102 fëmijë në Holandë pasi dhuroi spermë në 10 klinika.
Më vonë ai u fut në listën e zezë në vendin e tij, por në vend të kësaj iu drejtua dhurimit të spermës jashtë vendit.
Një grua holandeze e quajtur Eva, e cila në vitin 2018 lindi një fëmijë të ngjizur me spermën e Meijer dhe tha se ndihej e sëmurë duke menduar për pasojat që veprimi i Jonathan do të ketë tek fëmija i saj.
“Nëse mendoj për pasojat që mund të ketë kjo për fëmijën tim, ndihem keq.
Shumë nëna i kanë thënë atij se duhet të ndalojë, por asgjë nuk ndihmon. Kështu që të shkosh në gjykatë është alternativa e vetme. Unë duhet të mbroj fëmijën tim.”
Ajo dhe Fondacioni Donorkind shpresojnë se rasti i tyre gjyqësor do të rezultojë në shkatërrimin e spermës së Meijer që mbetet në ruajtje.
Ties van der Meer, kryetari i Fondacionit Donorkind, tha: “Ne po marrim masa kundër këtij njeriu sepse qeveria kombëtare nuk po bën asgjë.
“Ai ka një shtrirje globale përmes internetit dhe ai bën biznes me banka të mëdha ndërkombëtare të spermës.”
