Dashuria nuk vjen gjithmonë e lehtë dhe as nuk qëndron vetë. Ajo ka nevojë për kujdes, vëmendje dhe përpjekje të përditshme nëse një çift dëshiron që marrëdhënia të zgjasë.
Sipas këshillave të specialistëve të marrëdhënieve, ekzistojnë disa elemente bazë që ndikojnë në forcimin e një lidhjeje dhe që shpesh quhen “5 shtyllat e dashurisë”.
E para është komunikimi, i cili shihet si themeli i çdo marrëdhënieje të shëndetshme. Çiftet që flasin hapur për ndjenjat, problemet dhe shqetësimet arrijnë të kuptohen më mirë dhe të shmangin keqkuptimet.
E dyta është mirëkuptimi. Në momentet e konfliktit, aftësia për të parë gjërat nga këndvështrimi i partnerit ndihmon në uljen e tensioneve dhe në gjetjen e zgjidhjeve më të qeta.
E treta lidhet me kujdesin dhe vëmendjen në marrëdhënie. Interesi për jetën e partnerit, përditshmërinë dhe ndjenjat e tij forcon afërsinë emocionale dhe e bën lidhjen më të qëndrueshme.
E katërta është kontakti fizik, i cili nuk lidhet vetëm me marrëdhënien intime, por edhe me gjeste të thjeshta si përqafimet apo puthjet, që ndikojnë në rritjen e ndjenjës së afërsisë dhe uljen e stresit.
E pesta është seksualiteti, i cili shihet si një pjesë e rëndësishme e një marrëdhënieje të shëndetshme dhe ndikon drejtpërdrejt në harmoninë e çiftit.
Ekspertët theksojnë se dashuria nuk është një gjendje e qëndrueshme pa përpjekje, por një proces që ndërtohet çdo ditë përmes këtyre elementeve bazë.
