Në Klinikën Infektive në QKUK, sot, janë të hospitalizuar 78 raste, e prej tyre të sëmurë me COVID-19 janë gjithsej 58 raste.
Siç thuhet në njoftim, në klinikën Infektive, QKUK, sot me 18/06/2020, gjinden të hospitalizuar 78 raste. Prej tyre të sëmurë me Covid 19 janë gjithsej 58 raste.
“Gjendja e pacientëve të sëmurë me Covid 19 të cilët trajtohen në Kliniken Infektive është si vijon: nga 58 raste të infektuar me Covid 19, 33 raste janë në gjendje stabile”.
24 raste janë duke u trajtuar me oksigjenoterapi dhe përkujdesje intensive; dy prej tyre në gjendje më të rëndë janë duke u trajtuar në repartin e Mjekimit Intensiv.
Në repartin e Mjekimit Intensiv janë duke u trajtuar 3 raste; dy rastet me oksigjenoterapi dhe përkujdesje intensive, ndërsa pacienti i tretë është në gjendje kritike me frymëmarrje të asistuar dhe përkujdesje intensive.
“Jemi në pritje te rezultateve për 20 raste”.
Sot lirohet 1 rast Covid pozitiv në gjendje stabile në vetizolim në shtëpi.
