Shtatë persona kanë mbetur të lënduar në aksidentin e trafikut mes tri automjeteve në zonën e fshatit Zatriq në magjistralen Malishevë-Rahovec.
Kështu ka bërë të ditur zëdhënësi i Policisë për rajonin e Gjakovës, Nysret Xhurkaj.
Sipas tij, në këtë aksident është e përfshirë edhe një makinë që i takon Prokurorisë së Gjakovës.
Xhurkaj potencoi se të lënduarit, që për momentin janë jashtë rrezikut për jetë, po trajtohen në Spitalin e Gjakovës dhe Prizrenit.