Presidentja e Kosovës, Vjosa Osmani ka nënshkruar dekretin për caktimin dhe shpalljen e zgjedhjeve të rregullta parlamentare.
9 shkurti i vitit 2025 është caktuar si ditë për mbajtjen e zgjedhjeve.
“Udhëzohet Komisioni Qendror i Zgjedhjeve që t’i ndërmarrë të gjitha veprimet e nevojshme për organizimin dhe mbajtjen e zgjedhjeve për Kuvendin e Republikës së Kosovës, në përputhje me këtë dekret dhe legjislacionin në fuqi”, thuhej në dekretin e presidentes.
Presidentja Osmani më 31 korrik kishte ftuar liderët e partive politike për të diskutuar rreth kohës së mbajtjes së zgjedhjeve. Në këtë takim nuk kishte shkuar kryeministri Albin Kurti.
Në këtë takim opozita kishte propozuar që zgjedhjet të mbahen më 26 janar të vitit 2025, ndërkaq, partia në pushtet, Lëvizja Vetëvendosje kishte propozuar 2 shkurtin si datë të zgjedhjeve.
