Drejtori i Televizionit, Klan Kosova, Adriatik Kelmendi në një intervistë ka folur më shumë për veten e tij personale.
Në njërën nga pyetjet e parashtruara gjatë intervistës, ishte se a beson në Zot gazetari i njohur, shkruan “Kosovarja”.
Derisa nisi t’i binte rrotull përgjigjjes së tij, pak a shumë, u bë e ditur se Kelmendi nuk beson.
“Unë nuk ia kam bërë askujt prej të ftuarve të mij këtë pyetje, se nuk dua t’i vë në siklet ata që nuk besojnë dhe ata që besojnë. Ata që besojnë më shumë i luftojnë ata që besojnë, njësoj për Zot për fenë tjetër, se sa ndoshta ata që nuk besojnë dhe anasjelltas dhe këtu është brenga më e madhe. Shkojmë të identitetet sërish, në qoftë se ti i përket një identiteti dhe e mbron identitetin tënd, pse po bëhesh armiku i identitetit të tjetrit, dhe e fundit sidomos ata që janë besimtarë të devotshëm, se pse i paragjykojnë pra ata që besojnë ose ata që fare nuk besojnë, kur thonë se të gjitha krijesat janë nën pushtetin e Zotit dhe Zoti i ka krijuar të gjithë ata që nuk besojnë dhe ata që besojnë dhe falen shkojnë në kishë, sinagogë ose edhe ata që kanë zgjedhur të besojnë në një Zot apo fe të ndryshme”, tha Kelmendi.
/Kosovarja/
