A do të nënshkruajnë marrëveshjen Kosova dhe Serbia?

Pas pak orësh në Uashington do të nënshkruhen dy marrëveshje.

Këto dy marrëveshje nuk do të jenë marrëveshje mes Kosovës e Serbisë, por mes Amerikës me këto dy shtete.

Kështu ka bërë të ditur gazetari i Klan Kosovës, Adriatik Kelmendi i cili po qëndron në Uashington.

Kelmendi ka thënë se bëhet fjalë një marrëveshje e cila përmban projekte me vlerë rreth 13 miliardë dollarë.

“Bëhet fjalë për 13 miliardë dollarë investime në infrastrukturë dhe projekte të përbashkëta rajonale që prekin Kosovën e Serbinë. Sot do të nënshkruhen dy marrëveshje një të cilën Trump në emër të SHBA-ve do ta shkruaj me Kosovën dhe tjetrën me Serbinë. Nuk do të jenë marrëveshje nga Kosova e Serbia por marrëveshje që do të nënshkruhen me Amerikën”, u shpreh ai.