Përshëndetje zonja magjistare. Jam një grua që jetoj në Prishtinë për momentin, kam qëndrim në Evropë. Jam 58 vjeçare. Po lexoj shumëçka nga portalet dhe lexoj edhe portale gjermane rreth pandemisë që na ka stresuar dhe ndryshuar gjithë njerëzve të botës.
Vërtetë është e rëndë ta përballojë truri i njeriut gjithë këtë informim e dezinformim, por ajo që po e shohim çdo ditë se sa po vdesin në botë , nuk është për ta nënçmuar.
Para disa ditësh lexova, se pas kësaj pandemie do të vjen edhe një pandemi tjetër më e rëndë. Këtë e tha një njeri i madh, Bill Gates. Pastaj , ka shkrime gjithandej botës që japin lloj-lloj mendime e supozime se do të ndryshojë edhe forma e njeriut …
Të gjitha këto po na sjellin stres e dilema. Unë jam lexuese e rregullt e shkrimeve tua, edhe pse tani nuk po e shoh që po del revista Kosovarja, lexoj përgjigjet në portal, krejt çka del aty te magjistarja si më e lexuara .
Pyetja ime konkrete është: A do të ketë pandemi tjetër dhe a do të ketë ndryshime njeriu dhe botë“Jetojmë në frikë”.
PËRGJIGJE
Bota është në ndotje e sipër. Ky është një fakt që nuk mund ta mohojë askush. Ambientet e ndotura, janë vatra të sëmundjeve,por sëmundjet nuk i sjell vetëm njeriu,por të gjitha gjallesat që u ka dhënë shpirt Zoti i madhërishëm.
Ashtu sikur pandemia covid-19, për të cilën supozohet më së afërmi logjikës se erdhi nga lakuriqët. Nuk përjashtohet edhe jo një por edhe disa pandemi tjera,por këto janë vetëm supozime. Nuk kemi fakte tani për tani të themi se do të ketë pandemi tjera.
Pastaj pandemitë e kësaj natyre, do t’i çrrënjosë vaksina anticovid. Mos harroni se njeriu shkon pas sëmundjeve me shpikje inovative.
Konkretisht, bota është në rrezik ,sepse toka po zvogëlohet e njerëzimi po shtohet. Duke u zvogëluar bota, zvogëlohen edhe mundësitë prodhuese dhe të mirat që dalin nga toka.
Deri kur do të ketë toka ushqime për njerëzit, këtë nuk e din askush,por një ditë do të mbarojnë të mirat e tokës. Të mirat do të harxhohen ,ndërsa njeriut do t’i duhet të jetojë akoma!Edhe sa, e si,askush nuk e di!
Por ,ekspertët kanë programe si të jetojë njeriu edhe pasi toka të mos ketë aftësi të jep ushqime.
Njeriu i së ardhmes në erën e re, do të jetojë nga përbërja kimike e kompilimeve karbohidrateve- vegjetariane-vitamiale. Tri herë në 24 orë do të mund të merr ushqime të tilla që janë infuzionuese për ekzistencë .Kjo do të jetë era e re e të jetuarit,edhe për shkaqe tjera,mbase toka është në një luftë të vazhdueshme brenda universit. Mund të goditet nga kometa, nga satelitë, nga shkëputje planetare ,ashtu sikur u zhduk misteriozisht jeta e dinozaurëve pas përplasjes së një komete në tokë.
Pra , si pasojë e këtyre betejave dhe rreziqeve , njeriu mund të jetë më i vogël në trup. Më i ndryshuar në kokë. Më i digjitalizuar në mendje. Diçka sikur i paraqet fantashkenca alienët për të cilët një epror i lartë ushtarak amerikan e tha para tri ditësh se ekzistojnë dhe se SHBA, ka kontakte të rregullta me jashtëtokësorët e ata s’janë tjetër pos alienët.
Që ta thjeshtësojmë përgjigjen pra: Kjo pandemi ,nuk do ta ndryshojë njeriun,por do ta sofistikojë njerëzimin edhe me një pasurim vaksinal anticovid-19.
Por, e ardhmja e njerëzimit, mund të shënojë këtë risi. Ajo kohë do ketë një emër në kuadër të erës moderne të njerëzimit.
