Një studim pesëvjeçar ka zbuluar dobi të papritura për shëndetin, posaçërisht te personat me sëmundje kronike të veshkave.
Pos kënaqësisë, kafja e mëngjesit ka edhe dobi shëndetësore.
Shkencëtarët e Spitalit Qendror në Lisbonë kanë zbuluar që kafja ndikon pozitivisht te personat të cilët vuajnë nga sëmundjet kronike të veshkave.
Në hulumtim i cili ka zgjatur pesë vjet kanë marrë pjesë 4.683 të sëmurë nga veshkat. Është konstatuar që doza e shtuar e kafeinës ka zvogëluar rrezikun nga vdekja për 25 për qind.
Është zbuluar që ekziston faktori mbrojtës te pacientët me sëmundje kronike të veshkave.
Zvogëlimi i vdekshmërisë është shënuar madje edhe te rreziqet shtesë siç janë plakja, pirja e duhanit, ushqimi dhe sëmundjet e tjera nga të cilat kanë vuajtur të intervistuarit.
“Rezultatet tregojnë që pacientët të cilët fusin në organizëm më shumë kafeinë zvogëlojnë rrezikun nga vdekja”, thotë udhëheqësi i studimit të Lisbonës, Miguel Bigotte Viera.
Efekti i mundshëm mbrojtës i kafeinës mund të jetë i lidhur me veprimin në enët e gjakut, sepse nxit lirimin e substancave të cilat përmirësojnë qarkullimin e gjakut, thuhet në studim.
