Po vazhdon protesta kundër xhamisë së madhe në Prishtinë, teksa para pak minutash ka pasur edhe tensionim të situatës.
Një qytetar kishte dalur për t’i kundërshtuar protestuesit që ishin mbledhur në vendin ku është vënë gurthemeli i kësaj xhamie, shkruan lajmi.
Ai iu drejtua atyre duke iu thënë se po e kundërshtojnë shumicën islame në Kosovë.
Madje, ai tha se ata që nuk janë besimtarë, s’mund të dalin kundër një objekti fetar.
“95 % besimtarë, qohesh i kundërshton. U prish shkolla ma e vjetër në Prishtinë, s’keni protestu. Tash jeni qu folni për stile. Unë kam dal me i kundërshtu kta, që kanë dalë me e kundërshtu xhaminë. A i keni nxjerrë paret e juve prej gjepi. Ata që nuk e qesin krytë në sexhde s’kanë drejtë me ba propagandë”, iu drejtua ky qytetar organizatorëve të protestës.