Ministri në detyrë i Infrastrukturës dhe Ambientit, Lumir Abdixhiku e ka quajtur lajm të mirë përmirësimin e cilësisë së ajrit në këto ditë.
Ministri në detyrë Abdixhiku, thotë se “këto janë të dhënat që mora sot nga Agjencioni për Mbrojtjen e Mjedisit dhe Instituti Hidrometeorlogjik; të dyja trupa në kuadër të Ministrisë”. Postimi i plotë:E në gjithë këtë krizë, megjithatë, ka një lajm të mirë.
Si rezultat i reduktimit drastik të qarkullimit e aktivitetit publik, cilësia e ajrit nëpër qytetet tona është përmirësuar rrënjësisht, Përqendrimet e Dioksidit të Azotit (NO2) kanë rënë për plot 50%.
Këto janë të dhënat që morra sot nga Agjencioni për Mbrojtjen e Mjedisit dhe Instituti Hidrometeorlogjik; të dyja trupa në kuadër të Ministrisë.
Rrini në shtëpi.
Edhe pak.
Kur të dalim, të mendojmë seriozisht për transformim rrënjësor të transportit publik.
