Abdixhiku viziton minatorët në “Trepçë”: I mbështesim në plotësi kërkesat e tyre

Kryetari i Lidhjes Demokratike të Kosovës, Lumir Abdixhiku ka vizituar minatorët në “Trepçë”

Abdixhiku në Facebook ka shkruar se minatorët e “Trepçës” po futen në muajin e tretë pa paga.

Kreu i LDK-së ka thënë se ka hezituar t’i takojë me shpresën se çështja do të zgjidhej pa komplikim.

“Çdo involvim yni partiak, barte rrezikun e politizimit të kauzës së tyre. Por neglizhenca institucionale, e shtetit, e qeverisë popullsite, e vargut të gjatë të atyre përfituesve që “Trepçën” e minatorët i përdorin si pamflet elektoral njëpërdorimësh, ka bërë observimin tonë të duket të pakuptimtë”, ka shkruar ndër të tjera ai.