E ashtuquajtur ndryshe edhe si “Parada e Krenarisë”, ky marshim organizohet në kuadër të muajit qershor, që ndërkombëtarisht njihet tashmë si muaji i ndërgjegjësimit me personat e komunitetit LGBTI.
Kësaj parade i janë bashkuar emra të shumtë edhe nga fusha e politikës, ndër ta ish-ambasadorja, Vlora Çitaku, dhe ish-deputeti i Kuvendit të Kosovës, Frashër Krasniqi.
Ajo ka publikuar në InstaStory një video nga momenti kur bashkë me turmën, ka ecur drejt sheshit me flamujt shumëngjyrësh, në mbështetje të komunitetit LGBTI.
Organizatorët e kësaj parade janë Qendra për Zhvillimin e Grupeve Shoqërore (CSGD) dhe Qendra për Liri dhe Barazi (CEL) me organizatat partnere Civil Rights Defenders (CRD), Nisma e të Rinjve për të Drejtat e Njeriut (YIHR KS) dhe Qendra Kosovare për Studime Gjinore (QKSGJ).