Aksident tragjik në Suharekë: Humb jetën 29-vjeçarja

Një aksident tragjik ka ndodhur mëngjesin e sotëm në rrugën Bukosh-Savrovë, ku ka humbur jetën Arijeta Rexhep Luzha, 29-vjeçare nga fshati Vraniq i Suharekës.

Lajmin për Klankosova.tv e ka konfirmuar Policia e Kosovës për rajonin e Prizrenit.

Në aksidentin mes dy veturash, përveç viktimës, lëndime trupore ka pësuar edhe një person tjetër.

Ndërkohë, e reja do të varroset nesër në orën 15:00, në varrezat e fshatit Vraniq, transmeton Klankosova.tv.