Aktori i humorit Rezart Veleshnja është përballur me një të papritur.
“Prapaskena” bën me dije se ai ka rënë pre e një grabitjeje në mes të Tiranës, por jo vetëm kaq. Raportohet se aktori edhe është dhunuar nga agresorët.
Ngjarja ka ndodhur pasi aktori ka tërhequr disa para në një bankomat të ndodhur në një zonë mjaft të populluar të Tiranës. Në këtë moment grabitësit i kanë futur Rezartit duart në xhep dhe i kanë marrë paratë. Si pasojë e sulmit, aktori Rezart Veleshnja ka pësuar dëmtime deri në një shkallë të rëndë, në disa pjesë të trupit.
Policia ka arritur t’i zbulojë grabitësit dhe i ka vënë në pranga. Ato rrezikojnë 5 deri në 15 vite burg për grabitje me dhunë.
