Xhirimet për The Batman janë pezulluar përsëri, vetëm disa ditë pasi rifilluan pas bllokimit të koronavirusit.
Ndërprerja e xhirimeve e konfirmuar nga Warner Bros, është për shkak se aktori i njohur që luan rolin kryesor Robert Pattinson ka rezultuar pozitiv për virusin, sipas mediave amerikane/
Warner Bros tha se një anëtar i ekipit të filmit është vetë-izoluar, por nuk bëri të ditur se kush.
Xhirimet filluan në Glasgow në fillim të këtij viti por u ndaluan për shkak të pandemisë.
Një zëdhënëse tha: “Një anëtar i ekipit të Batman ka rezultuar pozitiv për Covid-19 dhe po izolohet në përputhje me protokollet e vendosura. Xhirimet janë ndërprerë përkohësisht.”
Vanity Fair tha se aktori britanik Pattinson, 34 vjeç, u infektua me virusin disa ditë pasi rifilloi xhirimet afër Londrës, pas një vonese gjashtë muajsh për xhirimet.
Batman fillimisht duhej tëpublikohen në qershor 2021 por u shty për në tetor 2021.
Në filmin e fundit, të drejtuar nga Matt Reeves, ylli i Twilight Pattinson ndjek hapat e Christian Bale, Ben Affleck, Michael Keaton dhe George Clooney në interpretimin e superheroit të Qytetit Gotham.
Në anën tjetër Pattinson, nuk ka komentuar këto lajme.
