Aktorja turke Seren Fosforoglu është martuar me partnerin e saj, biznesmenin Kaan Onal.
Mediat turke bëjnë të ditur se çifti ka mbajtur një dasmë luksoze, me të ftuar personazhe të famshëm të showbizit turk.
Në ditën e saj të rëndësishme, Seren ishte veshur me një fustan shumë elegant nusërie ndërsa biznesmeni Kaan Onal me kostum të zi.
Pas ceremonisë, Seren publikoi një status ku falenderonte miqtë që ia bënë ditën edhe më të bukur. “Një jetë e re fillon tani, me plot dashuri. Faleminderit miqve që ma bënë edhe më të bukur këtë ditë. Gjëja më e bukur në jetë është të mbledhësh njerëz. E bëra dhe këtë. Të ndash lumturinë kërkon një zemër të pastër. Jeta ime rrethohet nga njerëz me shpirt të bukur. Tani kam një person special në jetën time, që e do edhe vajzën time dhe mua si nënë. Jam falenderuese për gjërat e mira. Mirëseerdhe jeta ime e re”, shkruajti aktorja.
Seren ka një vajzë nga martesa e saj e parë.