Një udhëtim i veçantë dhe një natë plot emocione kanë qenë pjesë e përjetimeve të fundit të modeles shqiptare, Arbenita Ismajli.
Ajo ka zgjedhur Madridin si destinacion për të shijuar një nga ngjarjet më të mëdha muzikore, koncertin e artistit të njohur ndërkombëtarisht, Kanye West (Ye).
Por këtë herë, për Arbenitën, protagoniste e mbrëmjes nuk ka qenë vetëm spektakli muzikor. Modelja ka ndarë këtë eksperiencë të paharrueshme me personin më të dashur për të – vajzën e saj, Ninën.
Përmes disa pamjeve të publikuara në rrjetet sociale, Arbenita ka treguar atmosferën e koncertit, duke zbuluar momentet e bukura nga stadiumi dhe emocionet që ka përjetuar krah vogëlushes së saj.
Ajo ka ndarë edhe pamje nga vendet VIP ku kishte ndjekur koncertin, ndërsa Nina shihet duke shijuar nga afër atmosferën e krijuar nga një prej emrave më të mëdhenj të muzikës botërore.
Kjo paraqitje e ëmbël nënë e bijë ka marrë vëmendjen e ndjekësve, duke u komentuar si një moment i veçantë familjar i ndarë me publikun.
