Arbenita Ismajli dhe Fero nuk u ndanë aspak mirë nga njëri-tjetri dhe çështja tashmë i ka kaluar gjykatës.
Njoftimi i policisë së Kosovës tregonte se reperi e kishte dhunuar partneren e tij, madje e kishte kërcënuar me jetë nëse ajo do t’i merrte vajzën.
Arbenita u largua së bashku me të bijën, Ninën, nga shtëpia ku ata bashkëjetonin dhe gjendja e saj duket e qetë pas ndarjes.
Nëpërmjet një postimi në Instagram, ajo duket se ka sqaruar gjendjen e saj të përshkruar nga një sound viral në TikTok.
“Çmenduri sa paqësore bëhet jeta, kur vendos që s’ke energji për të vazhduar të debatosh me gjithkënd dhe je ‘ok’ me të qenit e keqkuptuar. Sepse njerëzit kuptojnë vetëm nga niveli i tyre i perceptimit dhe asnjë debat s’ia vlen të dëmtosh shëndetin tënd mendor”, thuhet në videon në fjalë.
