A jeni “zhytur” ndonjëherë në një libër interesant saqë orët janë dukur si minuta? Ndoshta keni ndjerë sikur jeta juaj ndaloi kur hyni në botën e librit.
Ajo “magjepsje” është një nga gëzimet e shumta të leximit. Megjithatë, ka një vend nga i cili mund të mos dëshironi të filloni këtë udhëtim mendor.
Bëhet fjalë për shtratin tuaj. Ekspertët shpjegojnë se leximi i librave në shtrat mund të vështirësojë gjumin. Mendohet se duke kufizuar numrin e aktiviteteve që bëni në shtrat, do të arrini të flini më shpejt kur të vijë koha. Bëhet fjalë për trajnimin e trupit dhe mendjes për të lidhur shtratin me gjumin.
Dr. David Kennaway pajtohet se shumica e aktiviteteve interesante duhen mbajtur jashtë shtratit, duke përfshirë leximin.
Kjo nuk do të thotë se leximi nuk mund të jetë një mënyrë e shkëlqyer për t’u çlodhur dhe për t’u përgatitur për gjumë. Librat na ndihmojnë të largojmë vëmendjen nga stresi i përditshëm.
