Një situatë jo e këndshme ka ndodhur së fundmi në sallat e Ansamblit “Shota”.
Fotografia e vendosur në murin e ansamblit është larguar pa asnjë shpjegim duke bërë artistët të revoltohen me këtë veprim.
Fotografia ishte një nga premierat e Ansamblit “Shota”, kushtuar vitit ndërkombëtarë të Skëndërbeut.
“DERISA KJO FOTO NUK VENDOSET NË VENDIN KU ISHTE E VENDOSUR, UNË BESNIK GRAJÇEVCI DO JAM NË GREVË PUNE NË AKKV SHOTA!
Shkruan Besnik Grajçevci-Artist!”, ka reaguar një nga artistët më të njohur të Ansamblit.
Reagimet e shumta po bëhen publike në rrjete sociale, por a do të ketë reagim institucional për këtë veprim?!
Kujtojmë që fotografia e shfaqjes “KUMT”, ishte shkrepur nga mjeshtri i fotografisë Avni Selmani.
Derisa të ketë ndonjë reagim nga drejtori apo institucionet artistike, Besniku dhe disa artistë të tjerë kanë zgjedhur grevën si shpresë për rikthimin e fotografisë, shkruan “Kosovarja”.
