Pjesëtarë të Policisë së Kosovës me organizimin e Drejtorisë së Shërbimeve Shëndetësore të Policisë së Kosovës kanë dhuruar gjak.
Edhe në situatën e tanishme pandemike, policët e Kosovës kanë mbështetur fushatën e dhurimit vullnetar të gjakut të organizuar nga Qendra e Kosovës për Transfuzionin e Gjakut.
“Kësaj fushate për dhurimin vullnetar të gjakut i janë përgjigjur pjesëtarë të shumtë të PK-së, veçanërisht njësitë e specializuara të PK-së”, thuhet në njoftim.
Gjithashtu u theksua se Policia e Kosovës dhe pjesëtarët e saj, si gjithmonë në shërbim të qytetarëve të vendit, përmes aktit human të dhurimit të gjakut i cili shpëton jetë njerëzish, po tregon përkushtimin dhe angazhimin e pakursyer ndaj qytetarëve dhe vendit.