Austria e ka ndihmuar Kosovën me 250.000€ për tejkalimin e pandemisë.
Ministri i Integrimeve Evropiane, Blerim Reka e bëri të ditur përmes një postimi ku tha: “Në vizitën e parë në Kosovë pas shpërthimit të pandemisë, sot në Aeroportin Ndërkombëtar të Prishtinës, “Adem Jashari”, dy ministrat austriak sollën ndihmën në vlerë prej 250.000€ për Republikën e Kosovës për tejkalimin e pandemisë”.
Më tutje, Reka thotë se pos ndihmës financiare, ata rikonfirmuan edhe mbështetjen për integrimin evropian të Kosovës, shkruan Indeksonline.
Njoftimi i plotë:
Austria ndihmon Kosovën
Në vizitën e parë në Kosovë pas shpërthimit të pandemisë, sot në Aeroportin Ndërkombëtar të Prishtinës, “Adem Jashari”, dy ministrat austriak sollën ndihmën në vlerë prej 250.000€ për Republikën e Kosovës për tejkalimin e pandemisë. Pos ndihmës financiare, ata rikonfirmuan edhe mbështetjen për integrimin evropian të Kosovës.
Bashkë me Ministrin e Punëve të Jashtme dhe Diasporës, Glauk Konjufca, takuam Ministrin e Punëve të Jashtme të Austrisë, Alexander Schallenberg dhe të Evropës dhe Kushtetutës të Austrisë, Karoline Edtstadler.
Danke Österreich!