Aktori i njohur dhe shumë i dashur për publikun, Blerim Peci, është ndarë nga jeta para kohe, duke lënë pas kujtime të paharruara dhe një mungesë të ndjeshme tek të gjithë ata që e njohën e vlerësuan si artist dhe njeri.
Ai kujtohet me shumë mall nga bashkëshortja e tij, Afërdita, e cila vazhdon ta përjetojë dashurinë dhe mungesën e tij çdo ditë, shkruan “Kosovarja”.
Në ditëlindjen e tij, Afërdita ndau një mesazh prekës, plot ndjenjë dhe dhimbje:
“Urime ditëlindjen, Beli im.
Beli që, në mënyrë konsistente, ka veç ditëlindje.
Çdo kujtim me ty e nga ty është një dhuratë që më mban gjallë e më jep forcë.
Do të dua përjetë – përtej kohës dhe botëve.”
Mesazhi i saj ndikon thellë në zemrat e të gjithë atyre që e kanë njohur Belin dhe dashurinë e tyre të rrallë.
Kujtimi për të mbetet i gjallë dhe i ndritur, ashtu si edhe vepra dhe shpirti i tij.
