Bastisje në shtëpinë e ish-zyrtarit të Policisë, i konfiskohen një kallashnikov dhe disa pjesë të uniformës

Policia e Kosovës ka bastisur të mërkurën shtëpinë e një ish-zyrtari policor në Zubin Potok.

Gjatë kontrollit të realizuar në shtëpinë e tij, Policia ka gjetur dhe konfiskuar një armë të gjatë të tipit Kallashnikov, AK-47.

“Gjatë kontrollit në shtëpinë e të dyshuarit mashkull kosovar, ish pjesëtar I PK-së, është gjetur dhe konfiskuar një arme e gjate AK-47 dhe disa pjesë të uniformës së Policisë së Kosovës”, thuhet në njoftimin e Policisë.

I dyshuari është intervistuar dhe me vendim të prokurorit, është liruar në procedurë të rregullt.