Bekim Ibrahimi është emër i dëshmuar në fushën e muzikës, që këngës i falë shpirtë, në çdo projekt punon me dashuri e pasion të rrallës, Dikur zëri i tij jehonte fuqishëm teksa i këndonte “UÇK”-së, ndërkaq së fundi publikut i është afruar me dy projekte të reja mjaftë të pëlqyera, “Jam sheqer Kosove, ti je mjalt Shqipnije” dhe “Gjuha shqipe si mjaltë n’hoja”. Në “Kosovare”, flet Bekim Ibrahimi.
-Bekim, a je i bekuar me gjithë ato që të ka sjell jetë?
Siç e kam edhe emrin, Zoti më ka sjell shumë të mira e bekime në jetë, për çka jam mjaftë i lumtur.
-Je ne skenë prej vitesh. Kujtimi më i bukur i karrieres?
Në skenë jam prej 30 vitesh, kam shumë kujtime të bukura dhe interesante. Kur këndoja në një pjesë të Zvicres, çdo mbrëmje isha i ftuar të shkoja për darkë nga shtëpia në shtëpi dhe mikëpritja e bashkëatdhetarëve ishte e jashtëzakonshme. Kjo mikëpritje e dashuri e pa harrueshme zgjati për muaj të tërë.
-Po, kujtimi më emocionues?
Kujtime emocionuese kam shumë, sidomos gjatë kohës së luftës në Kosovë, kur në lokalet e Zvicres e këndoja këngën e “UÇK”-së dhe gjithë të pranishmit ngriteshin në këmbë e këndonin bashkë me mua. Ishin emocione të pa përshkrueshme.
-Kënga jote që të bëri të njohur?
Kënga që më ka bërë të njohur ka qenë “UÇK thërret Kosova”, që u lansua në kohën e luftës heroike të Kosovës. Së fundi, këngët me titull “Jam sheqer Kosove, ti je mjaltë Shqipnije” dhe “Gjuha shqipe si mjaltë n’hoja” janë bërë mjaftë të dëgjuara.
-Pas një pauze, je rikthyer sërish. Si u prit rikthimi yt?
Ishte një rikthim i fuqishëm dhe projektet u priten tejet mirë, për çka jam mjaftë i entuziazmuar.
-A je i kenaqur me suksesin e “Jam sheqer Kosove, ti je mjaltë Shqipërie”?
Komplimentet për projektin vazhdojnë edhe më tej dhe kjo e dëshmon suksesin e pa mohuesham të këngës. Zgjedha këtë temë për këngën që më rikthej në skenë, pasi si fëmijë kam hangër shumë bukë me sheqer, ndërkaq mjalten gjithmonë e blej në Shqipëri, se s’ka më të mirë e më të ëmbël se mjalta e Shqipërisë. Por, mund të thuhet edhe kështu, djemtë e Kosovës janë sheqer e vajzat e Shqipërisë të ëmbla si mjalta. Shpejtë do ta bëjë edhe një këngë për vajzat e Kosovës.
-Ne këtë nëntor erdhe me “Gjuha shqipe si mjaltë n’hoja”. Të flasim për këtë projekt: idenë, bashkëpunëtorët, etj?
Sapo kam lansuar këtë këngë tejet me rëndësi për mua, e gjithashtu shumë emocionale për secilin shqiptar, që bënë fjalë për gjuhen më të bukur e më të ëmbël, gjuhën e nënës. “Gjuha shqipe si mjalt n’hoja vjen me tekst nga poeti dhe miku im nga Tirana Jahe Fida, me komponim nga miku im, kompizitori Naim Gjoshi, orkestrim dhe masterizim nga Edmond Rrapi, me kitarë Arian Gjici, ndërkaq videoklipi është punuar në mënyrë profesionale nga Fazli Berisha dhe produksioni “Artfabe”. Falenderoj shkollën në Rroshnik të Beratit dhe të gjitha bashkëpunëtorët që kontribuan në këtë projekt.
-Jetoni largë vendlindjes. A ke mallë për atdhe, gjuhë e tradita?
Prej 29 vitesh jetoj në Zvicër dhe përherë kam mall për vendlindjen, për tokën e kulturën tonë, njejtë si çdo shqiptar që është në emigrim.
-Kemi dëgjuar se së shpejti vjen me një këngë për Ibrahim Rugoven?
Kam realizuar një kangë artistike per vepren intelektuale te Dr. Ibrahim Rugoves. Është shumë emocionale kjo këngë, për publikimin e së ciles jemi ende duke menduar, kjo për shkak të Covidit, pasi rrethanat e reja nuk lejojnë grumbullimin e njerëzve në një vend. Do të doja që kësaj këngë ti bëja një promovim të denjë në Prishtinë, ndoshta tek sheshi në ambient të hapur, që të marrin pjesë të gjithë admiruesit e figurës dhe vepres së Dr.Ibrahim Rugoves. Uroj që lansimi dhe promovimi i projektit të jetë i mundur me 21 janat në kujtim të ikjes fizike nga kjo botë të arkitektit të Pavarëisisë, Dr.Ibrahim Rugovës.
-Cilat janë aktivitetet tua pos muzikës?
Punoj, kam binzesin tim, merrem ne muzikë dhe pos muzikës merrem me sport, tri herë në javë ushtroj fitnes, pastaj çdo mbrëmje pas punës ecë 10 Km dhe gjithashtu i përkushtohem familjes.
Një përgjigje pa pyetje?
Faleminderit “Kosovares” për intervisten dhe të gjithë atyre që më dëgjojnë, vlerësojnë dhe më përkrahin gjithmonë. \Kosovarja\
