Blerta Deliu – Kodra thotë se nga fillimi i pandemisê e deri te ngjarje tjera të rënda që e goditën vendin tonë, PDK tregoi se është alternativa më serioze politike .
Si parti , thotë ajo , u goditëm nga brenda e nga jashtë , por treguam unitet. PDK u dha të tjerëve mësim se bëhet opozita dhe mësimin më të mirë për këtë e pati dhënë vet kryetari Veseli.
Deputetja dhe tashmë potikanja e njohur edhe në këto zgjedhje të jashtëzakonshme gjendet në listën e kandidatëve të PDK.
Me këtë rast z. Deliu përmes rrjeteve sociale , falenderon PDK si dhe qytetarët që ia dhanë besimin serish për rrugëtimin e saj të mëtejmë.
Ja postimi i saj i plot:
Nga fillimi i pandemisë e deri te ngjarje tjera të rënda që goditën vendin tonë, PDK tregoi se është alternativa më serioze politike. Me platformën e Rimëkëmbjes, të udhëhequr nga kryeministri Enver Hoxhaj pas 14 shkurtit, PDK synon t’i kthejë në vendin e vet, vlerat që të tjerët shpesh i nëpërkëmbën dhe t’ia jap vendit drejtimin e duhur në shëndetësi, ekonomi, arsim, politikë të jashtme dhe sektorë të tjerë.
Si parti, u goditëm nga brenda e jashtë, por treguam unitet. PDK iu dha të tjerëve mësim se si bëhet opozita dhe mësimin më të mirë për këtë e pati dhënë vet kryetari Veseli.
Falënderoj PDK-në, për vlerësimin që ma dha të jem sërish pjesë e garës dhe qindra- mijëra qytetarëve që më nderuan të isha zëri i tyre në legjislaturat e kaluara. Tani na pret punë e madhe, për planin e madh të Rimëkëmbjes, që nis me besimin tuaj, më 14 shkurt.
Këtë Rimëkëmbje, e bëjmë me motivin dhe shembullin e atyre që Rimëkëmbën Kosovën pas shumë dekadave të vështira. Emrat e tyre janë: Kadri Veseli, Hashim Thaçi me bashkëluftëtarë të tjerë që sot padrejtësisht janë në Hagë. Andaj, na duhet më shumë se kurrë mobilizim për Rimëkëmbjen.
#rimekembje
#PDK
#enverhoxhaj1
#blertadeliukodra9
