Bllokohet pika kufitare Kullë-Rozhajë nga ana e Malit të Zi, shkak reshjet e borës

Qendra Kombëtare për Menaxhim Kufitar ka njoftuar se rruga që lidh pikën kufitare Kullë-Rozhajë dhe anasjelltas, në pjesën që kalon në Mal të Zi, është e pakalueshme për shkak të borës.

Ky kufizim vlen për të gjitha llojet e automjeteve.

“Ju njoftojmë se rruga PKK Kullë – Rozhajë dhe anasjelltas (në pjesën e Malit të Zi) është e pakalueshme për të gjitha llojet e automjeteve për shkak të borës. Për informata shtesë kontaktoni QKMK në numrat 045198000, 045198606 dhe pa pagesë 080050095”, thuhet në njoftim.