Përfaqësuesi i Lartë i Bashkimit Evropian, Josep Borrell, ka thënë se sot nuk u arrit asnjë marrëveshje në takimin mes Kosovës dhe Serbisë.
Borrell i ka bërë një përmbledhje raporteve Kosovë – Serbi muajve të fundit dhe sipas tij, tani gjendja është me e keqja.
Pas takimit rreth 6-orësh mes Kryeministrit Albin Kurti dhe Presidentit serb, Aleksandër Vuçiq, Borrell ka thënë se situata është edhe më e keqe se në gusht.
Përfaqësuesi i Lartë i BE-së tha se takimi i sotëm po ndodhë tre muaj pas një takimi krize tjetër.
“Ky takim ndodhi tre muaj pas takimit të krizës. Nga kriza në krizë. Dhe, kësaj here është më keq se në gusht”, tha përfaqësuesi i BE-së.
Borrell ka thënë se Kosova dhe Serbia nuk mund më të vazhdojë kësisoj.
Ai ka treguar se sot Bashkimi Evropian ka dhënë një propozim për dalje nga situata. Propozimin e ka pranuar Vuçiq, por e ka refuzuar Kurti.
Ai ishte i ashpër me dy palët dhe veçanërisht me Kosovën, që thotë se nuk e pranoi propozimin për një marrëveshje.
