Brenda dy ditëve në këtë komunë të Kosovës u shënuan vetëm 2 raste me COVID-19

Në 48 orët e fundit në territorin e Komunës së Malishevës, 1 person është shëruar dhe janë regjistruar 2 raste me COVID-19.

Këto të dhëna janë konfirmuar nga ana e Institutit Kombëtar të Shëndetësisë Publike të Kosovës në komunikimin e rregullt zyrtar me Komunën e Malishevës.

Rastet e reja vijnë nga fshatrat Gollubovc dhe Balincë, ndërsa numri i rasteve aktive është shtatë.

Gjendja e përgjithshme me koronavirusin në Malishevë është kjo: 251 raste të konfirmuara, prej tyre 220 janë shëruar, 24 persona kanë vdekur, ndërsa 7 raste janë aktive.