Edhe pse vendosin t’i ndajnë rrugët me bashkëshortët e tyre, shumë gra përballen me kërcënime e shantazhe derisa të përfundon procesi gjyqësor i divorcit, por edhe më pas. Raste të tilla janë të shpeshta, por jo gjithmonë denoncohen nga viktimat, me shpresën se problemet zgjidhen.
Por ndryshe ka ndodhur me një grua nga Vushtrria, e cila e shqetësuar jashtëzakonisht shumë ka kërkuar ndihmë nga Policia, pasi bashkëshorti i saj ia ka shpërndarë fotot dhe videot intime të gjithë familjarëve dhe shoqërisë së saj dhe të njëjtat i ka publikuar edhe në Facebook.
Burimet nga Prokuroria kanë bërë me dije se motivi i rastit dyshohet të jetë mosmarrëveshja mes tyre para disa ditësh në lidhje me vazjën e tyre, e cila jeton me nënën. Bazuar në dëshminë e viktimës, ish-bashkëshorti i ka kërkuar asaj që t’ia dërgojë vajzën në takim, sepse në të kundërtën do t’ia publikojë ato pamje.
Ashtu edhe ndodhi, për çka ajo menjëherë e denoncoi rastin në Polici, ku ka dhënë deklaratë në detaje për bisedën që ka pasur me ish-bashkëshortin e saj, me të cilin janë në procedura të divorcit.
Pas përfundimit të intervistimit, në lidhje me rastin është vënë në dijeni edhe Prokurori i Shtetit, i cili ka urdhëruar nisjen e hetimeve dhe sigurimin e prezenc3ës së të dyshuarit. /Gazeta Sinjali