Certifikohen rezultatet përfundimtare të zgjedhjeve të 7 qershorit

Komisioni Qendror i Zgjedhjeve ka certifikuar rezultatet përfundimtare të zgjedhjeve të parakohshme të 7 qershorit, transmeton Klankosova.tv.

Me këtë rast, kryetari i KQZ-së, Kreshnik Radoniqi në mbledhjen e sotme bëri të ditur se sa ulëse kanë zënë secila parti.

VV me 53 ulëse;

PDK me 22 ulëse;

LDK me 18 ulëse;

Lista Serbe me 9 ulëse;

Aleanca me 7 ulëse.

Me certifikimin e rezultateve përfundimtare, tashmë rruga për formimin e institucioneve është hapur.

Afati 30-ditor për mbajtjen dhe përmbylljen e suksesshme të seancës konstituive të Kuvendit fillon qysh nesër, dhe përfundon më 7 gusht.

Seanca duhet të thirret nga ushtruesja e detyrës së presidentes, Albulena Haxhiu. Nëse kjo nuk ndodh brenda afatit, Kuvendi mblidhet vet në ditën e 30-të.