Gjira Kajtazi ishte njëra ndër femrat e para në vend që solli frymën e repit në show bizin shqiptar, por pastaj ajo u largua duke marrë një kahje krejtësisht tjetër të jetës dhe nuk u rikthye më.
Gjithsesi kjo nuk e ka bërë atë të harrohet, ajo është vazhdimisht në qendër të vëmendjes në çdo paraqitje të saj dhe në çdo postim në llogarinë e saj në Instagram, shkruan “Kosovarja”.
Gjira është nënë e dy fëmijëve e cila është shumë e përkushtuar pas tyre.
Këtë e ka dëshmuar edhe vet ajo me foto e video që hedh në rrjete sociale, ndërkaq së fundmi ajo ka bërë një bashkëbisedim me ndjekësit e saj në Instagram dhe ajo që ka rënë më së shumti në sy është një pyetje që iu është bërë Gjirës.
“Çfarë kishe bërë nese kishe qenë single dhe pa fëmijë?” ishte pyetja, ndërsa përgjigja ishte akoma më interesante.
“Ja kisha fut gjum dhe nuk isha zgju deri ne 12:00”- ishte përgjigja epike e Gjirës. /Kosovarja/
