Albin Kurti nuk ka përfituar politikisht shumë nga SHBA-të, ashtu sikur mendojnë në VV, shkruan “Kosovarja”.
Kurtit i janë dhënë mesazhe të qarta për linjat e shtetit të Kosovës. Nevojiten marrëveshje me Serbinë, për të cilat evro-amerikanët kanë dallime.
Dallimi qëndron te fakti nëse do të arrihet një asociacion i komunave serbe në kuadër të një normalizimi të marrëdhënieve Kosovë-Serbi, siç thotë Lajçak, që përfaqëson BE-në, apo do të përfundojë me njohje nga Serbia, siç duan SHBA-të, që aktualisht ka pak gjasa të ndodhë.
E, Albin Kurti duhet ta çojë dialogun deri te pika përfundimtare.
Por, duket se vjeshta e vonë, e që është fillimi i dimrit, do të jetë vapë për qeverinë Kurti, pasi shefi i grupit parlamentar të LDK-së, Arben Gashi, paralajmëroi mbrëmë në “Debat plus”, se Qeveria Kurti do të bie në vjeshtën e vonë!
Sepse, sipas burimeve të LDK-së, që i përfoli z. Gashi, tetë deputetë të koalicionit të VV-së, brenda të cilit edhe lista “Guxo”, thuhet se do të kalojnë në LDK.
Dhe, nëse ndodh ai kalim në LDK i tetë deputetëve, atëherë realisht mund të bie qeveria Kurti.
E, fundi i qeverisë Kurti ka mundësi të ndodhë për disa zhvillime të tjera.
Pikë së pari, për premtimet pa mbulesë të Albin Kurtit gjatë fushatës, që dolën se ishin gënjeshtra të pastra.
Rritja e pagave dhe ulja e çmimeve, që ishte premtuar gjatë fushatës nga kryeministri aktual, jo që nuk ka ndodhur, por kanë prodhuar krizë në popull.
Çështje tjetër, kryeministri Kurti duhet ta formojë asociacionin, që është mesazh amerikan, por që ai e ka kuptuar vonë!
Dhe, duke qenë në pozitë që ta formojë asociacionin e komunave me shumicë serbe në Kosovë dhe duke e futur vendin në krizë të re energjetike, si dhe me rritje të papërballueshme, Kurti do të bie ose do të detyrohet të japë dorëheqje. Safet Krivaça /Kosovarja/
