“Çu, çu mos ta ni zanin”, qytetari ankohet si e trajtoi policia në Istog

Një qytetar është ankuar në redaksinë e Klan Kosovës për sjelljen e një zyrtari policor në Istog.

Sipas një videoje që i njëjti e ka dërguar në adresë të redaksisë, në të cilën dëgjohet vetëm komunikimi mes tij dhe policit, bëhet fjalë për një rast të ndodhur mbrëmjen e së enjtes, 6 nëntor mes orës 19:00 dhe 20:00.

Qytetari K.S. pretendon se polici me inicialet Z.A. (të dy këta emra të njohur për redaksinë) ka ushtruar presion dhe dhunë fizike ndaj tij.

“Çka ki, çka po pisket, po dyshoj që ke diçka ilegale. Duhet me respektu policin”, dëgjohet mes tjerash të thotë polici.