“Tym e Flakë” e ka bërë këngëtarja Dafina Demaj Sadiku në projektin e sajë të fundit, i cili u publikua ditë më parë.
Dafina e lindur dhe e rritur në Drenas, që nga mosha rinore nisi aktivitetin e saj në muzikë duke qenë pjesë e programeve shkollore, ansambleve të ndryshme dhe duke shkëlqyer gjithmonë.
Vajza me zërin briliant, pas luftës u zhvendos në Gjermani ku pati një nderprerje të shkurtër, e më pas u kthye furishëm në muzikë, ndërkohë që premton se nuk do të ndalet e do të sjell risi për fansat e saj.
Dafina, si këngëtare profesioniste i këndon thuajse të gjitha zhanret. Projekti i fundit i titulluar “Tym e Flakë” është projekt që vjen i interpretuar në mënyrë të mrekullueshme, realizuar dhe mbështetur nga produksioni “Arboni”.
Teksti i këngës është shkruar nga Kreshnik Avdiu dhe çdo detaj është përcjell me kujdes nga Blerim Sadiku, bashkëshorti i Dafinës.
Dafina Demaj-Sadiku, ka thënë se aktualisht nuk ka ndonjë opsion bashkëpunimi, por një është e sigurtë që projektet e bukura nuk do të mungojnë.
Ndryshe, këngëtarja po cilësohet një nga vokalet më të veçanta për momentin.
