Armina dhe Shkëlzeni sot kurorëzojnë lidhjen e tyre në martesë në një ceremoni që do të mbahet në një agroturizëm në Shijak.
Çifti është kujdesur për të gjitha detajet, përfshirë dekorin dhe menunë e dasmës, e cila do të jetë tradicionale shqiptare.
Në dasmë, përpos personazheve nga bota e artit, kulturës dhe televizionit, nuk do të mungojnë as figura të politikës.
Ndërkohë, ‘Anabel’ mëson se Armina do të hyjë në dasmë me këtë fustan që shihni në fotot e realizuara nga fotografi Armand Sallabanda.
Armina dhe Shkëlzeni u fejuan në tetor të vitit 2018, në një ceremoni intime. Ai i propozoi për martesë kohë më parë në liqenin e Como-s, Itali.
